Тимот на Технолаб во состав М-р Магдалена Трајковска Трпевска, Марјан Ѓровски, Андрија Велјаноска и Бошко Блажевски учествуваше на IV-тата Меѓународна Конференција “Компетентност на лабораториите 2011“ што се одржа во Цавтат, Р.Хрватска од 12-15.10.2011 година. Конференцијата беше организирана од страна на Хрватското Здружение на Лаборатории ( CROLAB) во соработка со Европското здружение на Лаборатории (EUROLAB). М-р Магдалена Трајковска Трпевска имаше чест да ги поздрави присутните на церемонијата на отварањето на конференцијата со што придонесе за афирмација како на Технолаб така и на Република Македонија во европски рамки.

Технолаб на оваа конференција учествуваше и со својот труд “ИСКУСТВА ОД ПРИМЕНА НА СТАНДАРДИТЕ MKS EN ISO 9001 И MKS EN ISO 17025 ВО ОБЛАСТА НА ЖИВОТНА СРЕДИНА И БЕЗБЕДНОСТ ПРИ РАБОТА“ за кој беше изработен постер кој предизвика многубројни позитивни реакции од присутните на конференцијата .

Присуството на IV-тата Меѓународна Конференција “Компетентност на лабораториите 2011“ е уште еден доказ за меѓународна афирмација на компетентноста и стручноста на Технолаб.